العملاء عندك متقسمين فريقين ... فريق اسمه Cold Leads ودول بتلاقيهم على الفيس ... وفريق تاني اسمه Hot Leads ودول بتلاقيهم على Google
تخيل نفسك دكتور او تاجر اجهزة منزلية او تكييفات او شركة عربيات اوصاحب شركة عقارات او او .... الخ
وهتعمل اعلانين واحد على جوجل والتاني على الفيس هيكون النتيجة شكلها عامل ازاي ؟
- هاكون متفق معاك ان الفيس هيظهر لناس كتير بس تقدر تضمن ان الناس دي تكون كلها محتاجة المنتج بتاعك حاليا يعني لو ظهر الاعلان ل 10 اشخاص وانت دكتور انف واذن تقدر تجزم ان فيهم حد ممكن يتصل بيك علشان يعمل عملية والا ممكن يكونوا اشخاص سليمة مش محتاجينك؟
اااااه !!!
بالظبط كده ، ده معناه ان الفيس هيدخلك في نظرية الاحتمالات ممكن اعلاني يظهر لناس محتاجاني وممكن يظهر لناس مش محتاجاني خالص او على الاقل في وقت عرض الاعلان. بس النتيجة ان فلوس الاعلان هتروح عليك يعني هتروح عليك وانت وحظك.
نيجي بقى لـ جوجل .... ده بيظهر اعلانك للناس اللى بتعمل سيرش على تخصصك
يعني متفهمنيش ان واحد كتب (أسعار عملية اللحمية) هيكون عايز يشتري موبايل 🙂
ولا واحد بحث بكلمة (أفضل مركز ليزك) هيكون بيدور على مطعم
ولا واحد بحث بكلمة (أسعار تكييف شارب) هيكون بيدور على تلاجة
وده بقى اللى بيسموه ال Hot Leads ... ودول الناس اللى بتدور وبتقارن وعندها قرار الشراء السريع ومحتاجاك بلا شك وبمجرد ما تلاقي الشركة المناسبة في السعر بتنفذ معاها فورا خصوصا في الخدمات والمنتجات المهمة اللى زي كده
حط فلوسك في جوجل اضمن الاول العميل ال Hot بتاع عمنا جوجل وبعدين العب براحتك مع العميل ال Cold 😉
